Македонското друштво „Илинден“-Тирана во денешното соопштение ја поздрави средбата меѓу претседателот на Република Македонија Ѓорге Иванов и албанскиот премиерот Еди Рама, на која стана збор за подобрување на правата на македонското национално малциство.
– Изјавата на премиерот Рама дека ќе посвети внимание за македонското национално малцинство во Република Албанија е голем чекор и дава надеж дека новата албанска влада ќе продолжи со демократските процеси и ќе ги подобрува правата на македонското национално малцинство, стои во соопштението од друштвото „Илинден“-Тирана.
Средбата меѓу Иванов и Рама, како што се додава, покажа уште еднаш дека Република Македонија и Република Албанија се пријателски земји.
– Веруваме дека ќе продолжат ваквите средби на корист на двете земји. Балканот треба да се одлепи од историјата на омразата и војните меѓу народите, велат од македонското друштво „Илинден“-Тирана.