„Оливер Спасовски од позиција на министер за внатрешни работи исплатил од 2018 до 2022, од буџетот (читај наши народни пари) вкупно 1.015.610.894ден или повеќе од 16.000.000€ само по основ на тужби!“, објави пратеникот на ВМРО-ДПМНЕ, Игор Здравковски.
Тој информираше дека во периодот од 2018 до 2022 година се поднесени 15.982 тужби, а усвоени се 8.046, кои доминантно се однесуваат на прекршување на правата на работниците/полицајците по разни основи и неисплатени издатоци.
„Доколку овие обврски биле навремено реализирани од работодавецот/министерот и во согласност со ЗРО и колективниот договор, државата ќе заштедела најмалку половина од овие средства, затоа што во голем дел средствата се исплатени по основ камати, адвокатски услуги, судски рочишта и административни трошоци.
И ова е еден маѓепсан круг кој никогаш не запира, ќар имаат поединци, зијан се сите даночни обврзници, но ОДГОВОРНОСТ НЕМА!!!
Овој однос на Спасовски и сите останати кои поради сопствени хирови и (не)намерни грешки исплаќаат огромни суми народни пари мора да запре!
Ова се 16.000.000€ кои би се искористиле за нови сали, игралишта, училишта, и затоа мора да има одговорност за секој еден кој не ги почитува и прекршува законите, подзаконските акти и колективните договори.
Затоа е #Важно да падне оваа ненародна власт, а овие функционери кои плаќаат нивни грешки од народни пари да сносат одговорност!“, пишува Здравковски.