Главна карактеристика на борбениот авион Ф-35 е неговата стелтност, односно невидливост. Но, од вчера излегува дека и оваа негова особина е премногу развиена. Во неделата попладне, имено, авион Ф-35Б се урна некаде во близина на заедничката база Чарлстон над областа Јужна Каролина. Пилотот сигурно се катапултирал и е во стабилна состојба, но авионот го нема!
Освен што спасувачите не можат да го пронајдат авионот, не се познати степенот на штетата но ниту вредноста на авионот, пишува The Washington Post.
За да биде целата приказна уште побизарна, Џереми Хагинс, портпарол на базата во Чарлстон, за NBC News изјави дека авионот останал во режим на автопилот кога пилотот се катапултирал од леталото, па постои можност тој се уште да лета.
Did you try clicking the key fob button and listening for it? pic.twitter.com/1IFL6rrwEs
— tron4734 (@tron4734AD) September 18, 2023
„Авионот има различни облоги и различен дизајн што го отежнува откривањето од обичниот авион“, додаде Хагинс. Тимовите сè уште го бараат авионот, рече тој во СМС порака доцна во неделата. Тој одби да ја прецизира природата на вежбата во која учествувал пилотот во моментот на инцидентот. Случајот, додаде тој, е под истрага.
Врз основа на последната позната локација на авионот, рече Хагинс, потрагата е концентрирана во близина на езерото Мултри.
Транспондерот на авионот, кој вообичаено помага да се лоцираат авиони, не работел „од некоја причина што сè уште не ја утврдивме“, рече Хагинс. „Затоа објавивме јавно барање за помош“, додаде тој.
Во апелот објавен на социјалните мрежи, базата Чарлстон побара од јавноста да ја контактира базата доколку некој има информации за тоа каде се наоѓа авионот.
И подобро да не го направеа тоа.
Нивниот пост, „Ако имате какви било информации што може да им помогнат на нашите тимови да го лоцираат F-35, ве молиме контактирајте го Базниот оперативен центар“, истакнувајќи дека потрагата по авионот сè уште е во тек, поттикна голем број духовити објави и коментари.
Така, една објава покажува фотографија од украинскиот претседател Володимир Зеленски со авион Ф-35 зад неа, со прашањето: „Луѓе, дали ја проверивте Украина?
Исто така, на една од монтажите се гледа плажа полна со луѓе и урнат авион во позадина. Каде е нашиот Ф-35“, се вели во објавата.
Found it. It is now in my backyard. pic.twitter.com/i6YcLHwFv0
— Kristi Yamaguccimane (@TheWapplehouse) September 18, 2023
„Го најдов, во мојот двор е“, напиша некој заедно со фотомонтажа од авион во дворот.
Некои од корисниците објавија и „оглас“ за продажба на авиони Ф-35, додека други го искористија индексот за квиз:
„Кои работи најчесто ги губат луѓето? беше прашањето, а беа понудени одговорите: клучеви, пари, ракавици и Ф-35.
„Дали сте се обиделе да кликнете на клучот на далечинскиот управувач?“, праша некој.
Целиот случај предизвика и голем број негативни реакции кај одредени политичари, а конгресменката Ненси Мејс ја критикуваше работата на армијата.
„Како по ѓаволите можете да изгубите F-35? Како авионот нема уреди за следење? Бараме од јавноста да го најде авионот и да го врати назад?“, праша Мејс.
Првиот пат кога се урна F-35 беше во 2018 година, што беше класифицирано како несреќа од „класа А“, што подразбира штета од 2 милиони долари или повеќе, целосно уништување на авионот или смрт или целосно онеспособување на екипажот.
Ф-35 се меѓу најнапредните борбени авиони во светот, познати по нивното остра, аеродинамична каросерија и карактеристики против откривање од радар.