Планинар во Нов Зеланд преживеа пад од височина од 600 метри и здоби полесни повреди откако падна од планина. Полицијата соопшти дека мажот паднал од планината Таранаки на Северниот остров и го спасило пролетното време кое го омекнало мразот па паднал во снегот, пишува Би-Би-Си.
Алпинистот бил дел од групата која се искачувала на планината Таранаки во саботата кога паднал од врвот околу пладне.
Планината Таранаки има репутација како една од најсмртоносните планини во Нов Зеланд, според Советот за безбедност на планината на земјата. Во 2021 година двајца планинари загинаа при пад од истото место од кое викендов падна планинарот. Таранаки е неактивен вулкан кој се наоѓа во релативна изолација на западниот брег на Северниот остров.
„Неговата изолација од другите планини, близината до брегот и географската локација предизвикуваат некои од најбрзо променливите и најнеповолните временски услови кои се наоѓаат во Нов Зеланд. Времето, во комбинација со сложениот и груб терен, создава многу уникатна средина. грешката може да биде катастрофална“, велат од Советот за безбедност на планина.