Времето претпладне ќе биде сончево со мала до умерена облачност, попладне променливо облачно, на повеќе места нестабилно со пороен дожд и грмежи, локално во форма на краткотрајно невреме.
Од утре, најавува УХМР, следува период на променливо облачно и значително посвежо време со повремени врнежи од дожд со променлив интензитет и со умерен, наместа засилен ветер од југоисточен правец. Врнежите ќе бидат пообилни (над 25 л/м2 за 24 часа) утре во југоисточните делови.
Во Скопската Котлина претпладнево сончево со мала до умерена облачност, а попладне во делови од котлината ќе биде нестабилно со појава на пороен дожд проследен со грмежи, краткотрајно и во вид на невреме.
Од утре ќе преовладува променливо облачно и посвежо време со повремени врнежи од дожд со променлив интензитет.
