Унгарскиот премиер Виктор Орбан со изненадување реагираше на изјавата на генералниот секретар на НАТО Јенс Столтенберг дека на Украина и е место во Алијансата.
Тој напиша еден единствен збор на социјалната мрежа Твитер: „Што? За време на посетата на Киев, Столтенберг на заедничката прес-конференција со украинскиот претседател Володимир Зеленски рече дека Украина го заслужила своето место во евроатлантското семејство со тоа што го поканил да присуствува на самитот на Алијансата што ќе се одржи во јули во Вилнус.
What?! https://t.co/j3mJojHHOl
— Orbán Viktor (@PM_ViktorOrban) April 21, 2023
Сепак, Унгарија, која исто така е членка на Алијансата, во повеќе наврати објави дека е против идејата Украина да стане дел од тој воен блок.
Министерот за надворешни работи на Унгарија, Петер Сијарто, неодамна изјави дека Будимпешта нема да поддржи ниту еден чекор поблиску на Украина до НАТО и самата ЕУ, додека Киев не ги врати целосно малцинските права на Унгарците.
Притоа, тој рече дека на иницијатива на Унгарија и Романија, Советот на Европа донел одлука да се обрати до Венецијанската комисија во врска со состојбата на малцинствата во Украина и изрази надеж дека Киев ќе биде принуден да реагира.