84-годишен човек го загуби животот во пожарот што ноќеска зафати семејна куќа во струшкото село Октиси. Жртвата е татко на сопственикот на куќата.
– Денеска (05.04.2023) во ОВР Струга било пријавено дека во 03.30 часот во с.Октиси, струшко, настанал пожар во куќа сопственост на М.М. Од здобиените повреди во пожарот починал И.М.(84) од с.Октиси, татко на М.М., а смрт констатирал лекар од Итна медицинска помош. Екипа на Територијалната противпожарна единица Струга го изгаснала пожарот, информираат од Министерството за внатрешни работи.