Стратешките ракетни сили на Русија започнаа планирани вежби во кои се вклучени мобилните нуклеарни интерконтинентални балистички ракетни системи Yars, соопшти руското Министерство за одбрана.
„Вкупно има повеќе од 3.000 лица – воен персонал и околу 300 парчиња опрема се вклучени во вежбите“, се вели во соопштението на Министерството за одбрана.
Овие вежби уследија по вчерашното соопштение на руското Министерство за одбрана дека руската морнарица истрелала суперсонични противбродски ракети врз лажна цел во Јапонското Море.
Русите вчера објавија дека со ракета Москит погодиле цел на оддалеченост од 100 километри
„Во водите на Јапонското Море, ракетни бродови на Тихоокеанската флота истрелаа крстаречки ракети од типот Москит врз лажна непријателска морска цел“, објави вчера Министерството на својот профил на Телеграм.
Во таа прилика руското Министерство за одбрана прецизираше дека целта, која се наоѓала на оддалеченост од околу 100 километри, била успешно погодена со две крстосувачки ракети Москит.