Два хеликоптери на албанското воено воздухопловство денеска превезоа четворица српски планинари.
Еден од нив падна и се повреди на преминот од Валбона кон Тет, соопшти денеска албанскиот министер за одбрана Нико Пелеши.
Тој на Фејсбук напиша дека повредениот српски планинар е пренесен во болница и е под надзор на лекар, а останатите тројца планинари, за среќа, не се повредени.
Приштинскиот портал „Репортерс“ пренесува соопштение од полицијата на Албанија, во кое се наведува дека полицијата во соработка со Министерството за одбрана и медицинскиот тим на Министерството за здравство дошле на помош на српски турист кој паднал од височина на планината Језерце и поради повредите не можел да се движи.