Министерката за внатрешни работи, постирaјќи ја објавата дека градоначалникот на општина Центар, Андреј Жерновски, познат вљубеник во кошарката и спортот, е меѓу навивачите на нашата репрезентација во Словенија, напиша.
„Аман веќе нека не ги бодри, нека ги остави на раат!
Напред Македонија, Жерновски назад дома!“, напиша Јанкулоска на својата ФБ страна.
Еден од корисниците на ФБ искоментирал:„Срамота, вака еден министер да се изразува за спортски натпревар! Кога сите треба да се единствени! Ова е вокабулар на министер???
Ова не е прв пат министерката за внатрешни Јанкулоска, да се обидува да се потсмева со градоначалникот на Центар. Дури го качи и на багер за првиот работен ден, по што имаше силни критики на социјалните мрежи за недолично однесување на еден министер.
