Некои училишта не проверуваат електронска пошта во моментот кога е испратена лажната дојава за бомба, туку информациите ги добиваат од МВР или од другите училишта, откри министерот за образование и наука, Јетон Шаќири.
– Знаеме дека електронските адреси не се законска задолжителна комуникација на институциите, но тоа ќе треба го потврдат безбедносните органи. Знаеме дека некои училишта дел од дојавите ги добиле ги добиле во други училишта. Некои училишта немаат отворено мејл во текот кога е пристигната дојавата затоа што мејловите се испраќаат во една група каде што се сите и затоа МВР реагира кај сите училишта кои се спомнати – истакна министерот.
Тој како министер е против да се организира онлајн настава во целост, но одлуките МОН ги носи врз основа на безбедносните информации од другите институции.
– Јас како министер сум кажал дека сум против онлајн настава. Но, ова се препораки за да не се загуби настава, ќе ги разгледаме проблемите во училиштата,. Имаме родители кои работат, ќе разгледам нови предлог решенија.