Германската полиција во раните утрински часови во близина на југозападниот град Штутгарт беше вклучена во потера по возач на автомобил кој по автопат возел дури 300 километри на час.
Трката беше филмска, а се започна кога возачот влезе во сообраќаен метеж, а потоа со возилото забрза назад кон Штутгарт возејќи во погрешна насока.
Очевидци повикале итна помош, а во потерата се вклучила и полиција која во неколку наврати го губеле возилото од вид. Конечно полицискиот хеликоптер го пронашол возилото кое возачот го оставил на автопатот, го паркирал и побегнал.
Возилото е одземено, а истрагата се обидува да утврди кој го управувал. Во ноќната потера учествувале 41 полициско возило од шест полициски станици и еден хеликоптер.