Мини депонија. Вака изгледа плочникот пред спортскиот центар „Борис Трајковски“ утрово. Отпадот е расфрлан на сите страни. Ова доаѓа по вчерашниот настан на Сојузот на турските невладини организации во Македонија, на кои присуствуваа и високи владини претставници, меѓу кои и премиерот. Остатоци од бургери, пуканки, пластични шишиња, кифли е само дел од она што можеше да се забележи наоколу.
Случајните минувачи сликата која можеа да ја видат ја опишуваа и како „сцена од хорор филм“. Пластиката ја собираа лица кои потоа ја даваат на преработување, додека од отпадот се хранеа птиците и кучињата.
Пред салата „Борис Трајковски“ со недели стои искршена и фонтаната на плочникот. Досега, никој нема преземено ништо за нејзина санација.