Минатата недела рускиот претседател Владимир Путин посочи дека Русија може да ја промени својата доктрина за употреба на нуклеарно оружје во конфликт. Имено, сегашната руска доктрина дозволува употреба на нуклеарно оружје само во случај на егзистенцијална закана за Русија, односно како одговор на нуклеарен напад. Но, Путин сугерираше дека тоа би можело да се промени, велејќи дека Москва би можела да премине кон доктрина слична на онаа на САД, која, според него, дозволува нуклеарен напад со цел „разоружување“.
„Ако зборуваме за напад со цел разоружување, можеме да размислуваме за усвојување на најдобрите практики на нашите американски партнери и нивните идеи за безбедноста. Размислуваме за тоа“, рече Путин.
Запрашан за овие изјави на Владимир Путин, неговиот портпарол Дмитриј Песков рече: „Не се работи за некои брзи одлуки“.