За една година локална власт во Скопје, ВМРО-ДПМНЕ создаде хаос во градот, немаат реализирано ниту еден проект а јавните претпријатија се на раб на функционалност.Партискиот панаѓур на ВМРО-ДПМНЕ и шпицниот градоначалник Мицкоски се најсилна потврда за оваа катастрофа што ја создадоа во главниот град рече на прес конференција претседателот на градската организација на Скопје во СДСм Васко Кичевски.
– Наместо бесплатен превоз во Скопје се случи да нема превоз. Наместо еколошки автобуси не работат ниту тие што ги има. Наместо развој и модерно Скопје гледаме стагнација и уназадување на главниот град.Шпицниот градоначалник молчеше и за изградбата на мостовите на булевар АСНОМ и улица Љубљанска, кружниот тек кај Момин поток, патот за Визбегово и други проекти наследени од СДСМ и игнорирани од ВМРО-ДПМНЕ. Градоначалниците од ВМРО-ДПМНЕ се најнеспособните градоначалници кои за една година ги запоставија општините, ги партизираа општинските администрации и ги зголемија цените на комуналните услуги. Во таа неспособност предничи Данела Арсовска која за една година го уназади Градот, не реализираше ниту едно ветување и создаде колапс во јавните претпријатија рече Кичевски.