Албанските универзитетски професори и дадоа рок на владата доколку не ги исполни нивните барања до утре ќе почнат штрајк со глад.
Тие вчера влегоа во третата недела од бојкотот на наставата собирајќи се пред универзитетскиот кампус.
Универзитетските работници, наместо со предавања, на 17 минатиот месец академската година ја започнаа со протести за подобри услови и зголемување на платите.
Тие бараат зголемување на платите за 30 отсто оваа и 20 отсто следната година, додека владата одобри 7 отсто од буџетот, како и 8 отсто од средствата на универзитетите, со што не се согласуваат.
Албанскиот премиер Еди Рама деновиве им порача да не се надеваат на дополнително зголемување.
-Зголемување на платите нема да се случи додека не дојде редот, по пензионерите на крајот на годината и по крајот на зимата, кога ќе ги избалансираме трошоците за заштита поради високите цени на електричната енергија, им порача Рама.
Извор: МИА