Кина ќе се обиде да ја заштити овогодишната жетва од рекордната суша со „засејување облаци“, користејќи реагенси за создавање дожд.
Фабриките во провинцијата Сечуан беа затворени минатата недела за да се заштеди енергија за домовите, каде што повеќе се користи клима уред поради екстремните горештини и температурите до 45 степени Целзиусови.
– Следните 10 дена се клучни за посевите со ориз во јужна Кина, изјави министерот за земјоделство Танг Ренџијан, пренесуваат медиумите. Кинеските власти ќе преземат итни чекори за „обезбедување на есенската жетва“ која сочинува 75 отсто од годишниот принос, рече Танг
Властите „ќе се обидат да го зголемат дождот“ со влијание врз облаците и со прскање на посевите со „средство за задржување вода“, соопшти Министерството за земјоделство.
Намалениот принос на жетвата во Кина би имал глобални последици бидејќи би влијаел на растот на увозот, што дополнително би го зголемило инфлацискиот притисок во САД и Европа.
Извор: МИА