Русија и Турција постигнаа начелен договор за префрлање на дел од плаќањето за рускиот природен гас во рубљи како дел од продлабочувањето на трговските врски меѓу двете земји, соопшти денеска турското Министерство за енергетика.
Избегнувањето плаќања во долари е корисно за двете земји, пренесува Раша Тудеј и додава дека Русија ја нарече американската валута „токсична“ бидејќи западните санкции ги отежнуваат трансакциите.
Дополнително, овој договор и помага на Турција да ги зачува своите намалени резерви на тврда валута.
Турскиот претседател Реџеп Таип Ердоган минатата недела потврди дека Анкара ќе почне да плаќа дел од увозот на природен гас од Русија во рубљи по повеќечасовни разговори со неговиот руски колега Владимир Путин во Сочи, потсетува РТ.
Двете земји потпишаа и патоказ за развој на економската соработка, кој предвидува зголемување на билатералната трговска размена на 100 милијарди долари годишно.