Обилните дождови предизвикаа големи поплави во Истанбул, јави турската државна телевизија ТРТ-Хабер.
Најлоша е ситуацијата во истанбулското предградие Силиври, каде многу улици и булевари се целосно под вода. Поплавени се канцеларии и приземјето на објектите. Голем број автомобили останаа заглавени.
Поради поројните врнежи, сообраќајот во Силиври беше сериозно отежнат.
Продолжуваат напорите на екипите за одводнување на општината.
Метеоролозите предупредуваат дека денеска и утре ќе продолжат обилните врнежи во Истанбул.
Извор: МИА