Сирените се огласија во сите израелските градови. Палестинската група Исламски џихад денеска соопшти дека испукала повеќе од 100 ракети кон Израел како одмазда за воздушните напади во кои загина еден од нејзините високи команданти.
„Како првичен одговор на атентатот врз водачот Тејзир ал Џабари, Ерусалимските бригади испукаа кон Тел Авив и градови околу Газа повеќе од 100 ракети“, се вели во соопштението на оруженото крило на групата.
Нивниот портпарол рече дека организацијата ја презела одговорноста за вечерашниот ракетен истрел врз градовите во јужен и централен Израел и предупреди дека тоа е „само почеток на одговорот“ на убиството на командантот на групата, Тајсер Џабари.
The moment when Israeli occupation airstrikes targeted Palestine Tower in Gaza pic.twitter.com/UzTVC8wxrv
— PALESTINE ONLINE ?? (@OnlinePalEng) August 5, 2022
Во текот на денот, се огласија сирените во централните и јужните региони на земјата, пренесува Ројтерс.
Египет посредува меѓу Израел и Палестинците за да се спречи ескалација по израелскиот напад врз Појасот Газа, јави денеска државната телевизија.
Израелската армија денеска нападна цели во Газа, се наведува во соопштението кое денеска го пренесоа медиумите, јавува Си-Ен-Ен.
Во соопштението се вели дека целите му припаѓале на Исламскиот џихад, помалата од двете главни милитантни групи во Газа. Операцијата го доби името „Зора“.
Продуцент на Си-Ен-Ен во Газа видел медицински лица како носат две тела од зградата наречена Палестинска кула, која беше погодена во еден од нападите. Болницата Шифа во Газа потврди дека се испорачани телата на двајца убиени, а има околу 20 ранети.
Палестинските власти објавија дека најмалку осум лица се убиени, а 40 се ранети во нападите, јави АП, додека израелската армија соопшти дека целела цели во Газа, по неколкудневната тензија предизвикана од апсењето на палестинскиот милитантен водач Басам ал Саади.