Премиерот Груевски и Владата ги потценуваат македонските професори, се обидуваат да ги дисциплинираат, а ја деградираат целокупната македонската наука, се вели во соопштението на СДСМ по вчерашниот повик на Груевски и на Владата професорите да користат преведена странска литература наместо учебници и скрипти.
Со оваа изјава, според Социјал-демократите, власта директно се замеша и во науката.
Според опозициската СДСМ, невозможно е премиерот да знае повеќе од професорите што е најдобро за студентите, со оглед на нивното искуство и знаење во областите за кои предаваат и чии предметни програми се соодветни на акредитираните студиски програми на факултетите.