Шефот на израелската дипломатија, Јаир Лапид денеска изјави дека по „подемите и падовите“, Израел и Турција отвораат ново поглавје во нивните односи.
– Целта е да се формира и прошири економската и граѓанската соработка меѓу нашите земји, со цел да се создадат можности за бизнис и за луѓе, што нашите граѓани би ги користеле, да имаат предности на регионално и глобално ниво, дури и за време на пандемија, дури и за време на политички тензии, истакна Лапид на заедничката прес-конференција во Ерусалим со турскиот колега Мелвут Чавушоглу.
Турскиот министер за надворешни работи наведе дека нормализацијата на односите помеѓу двете земји ќе има „позитивно влијание“ врз „мирољубива“ резолуција на палестинскиот конфликт.