За време на концертот на неколку женски рок бендови во Санкт Петербург минатиот викенд, илјадници луѓе од публиката извикуваа антивоени слогани. Тоа е знак за зголеменото незадоволство на јавноста од руската инвазија на Украина, пишува Телеграф.
На снимката од концертот објавена од Телеграф се гледа дека публиката едногласно извикувала: „е*ати војната“.
Членка на групата Kiss Kiss претходно на социјалните мрежи го изрази своето противење на војната и го критикуваше Кремљ и руската инвазија. Секое јавно противење на она што Русија одбива да го нарече инвазија може да доведе до кривични пријави.