Повеќе од десет дена децата се надвор од образовниот процес и тоа во период кој е исклучително важен за учебната година, но и за уписите на полуматураните и матурантите. Раководството на СОНК, на двапати одбива предлог за зголемување на платите, како и нов Општ колективен договор за континуиран раст на платите во образованието и детската заштита и сето тоа во најголема глобална економска криза рече на прес конференција пратеничката на СДСМ Санела Шкријељ.
– Ова не е ништо друго освен уцена од страна на раководството на СОНК, на штета на учениците и наставниот процес. Учениците мора да се вратат на настава, затоа што последиците со кои веќе се соочуваат негативно влијаат не само врз образованиот процес, туку и врз нивниот личен развој. Себично, недозволиво и неодговорно е учениците десет дена да бидат надвор од училишните клупи само заради лични политички агенди на поединци од раководството на СОНК. Правата на децата се над сè и интересот на децата мора да ни биде на прво место. Никој не смее и нема да го нарушува правото на образование на децата и со тоа да ја загрозува нивната иднина рече Шкријељ.