Хостомел е едно од првите места споменати во војната. Познат е по аеродромот на кој се наоѓал Антонов, најголемиот авион на светот. Авионот е уништен во војната, а неговите остатоци се уште се таму.
Хостомел се наоѓа северозападно од Киев, северно од Ирпин и Буча. Тоа се градови кои се стратешки исклучително важни. На првиот ден од војната руските специјалци се обидоа да го окупираат аеродромот во Хостомел, а жестоките борби траеја со денови.
Четириесет дена подоцна, Хостомел е ослободен. Целиот потег северно од Киев денеска е под контрола на украинската армија. Но, жестоките борби оставија свој белег.
Украинската армија објави видео од Хостомел, кој денес изгледа како град од постапокалиптичен филм.