Половина час по пладне во Капиштец била ограбена експозитура на банка. Веќе три часа, центарот на Скопје е преплавен со полиција, се запираат и претресуваат возила, а засилени контроли има и низ повеќе споредни улици. Во вооружениот грабеж, бил испукан и куршум.
„Пријавено е дека од експозитура на банка на подрачје на Центар три лица со закана со оружје од вработените одземале пари, по што во близина на местото на настанот едно од лицата испукало еден куршум“, велат од МВР за „А1он“.
Не се знае точната сума на пари која е одземена во грабежот. Повредени лица нема. Според информации на „А1он“ веднаш е започнато и со проверка на сите снимки од камерите за видео надзор.
Од МВР додаваат: „Се преземаат мерки за расчистување на случајот“.
