Околу 100 доброволци, 102 полицајци, хеликоптер, дронови и кучиња го бараат исчезнатиот Петар во мариовско

Од:

Доброволци не само од локално население туку од различни градови од државава се вклучиле во потрагата по десетгодишниот Петар Џобоски откако неговиот татко во петокот пријави дека исчезнал од дворот во мариовското село Врпско. По Петар се трага трет ден, а снегот од викендов дополнително ја отежнал работата на трагачите.

„Во потрагата се вклучени 102 полицајци и уште околу 100 луѓе, доброволци, меѓу кои се локалното население, но и луѓе од други градови, ловџии, пожарникари од Прилеп и спасители од ’Златоврв’. По исчезнатото дете МВР трага и со хеликоптер, со дронови и со кучиња. Ова се збирни податоци со кои располагаме во моментов“, велат од Министерството за внатрешни работи за „А1он“.

Покрај служените дронови на МВР, многумина граѓани и фирми понудија да ги отстапат нивните дронови за потребите на трагачите, а постојано се пријавуваат и доброволци.

Поради големиот интерес на граѓани кои сакаат да се вклучат во потрагата, МВР попладнево апелираше сите доброволци да се јават на телефонскиот број на дежурната служба во селото Витолиште, 071/268-594 каде ќе добијат насоки како да помогнат.

Од МВР известија дека потрагата продолжува интензивно и нагласија секој што има каква било информација која би помогнала за пронаоѓање на Петар, да ја сподели со полицијата.

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он