Американскиот претседател Џо Бајден вечерва ќе даде изјава во врска со тензиите околу Украина, откако Русија објави дека повлекува дел од своите војници долж границата со соседната држава.
Во соопштението на Белата куќа се наведува дека Бајден ќе се обрати попладнето по локално време (во 21,30 часот по македонско време), со цел да „потврди дека САД остануваат отворени за дипломатија на високо ниво во тесна координација со нашите сојузници“.
– САД продолжуваат да веруваат дека дипломатијата и деескалацијата се најдобриот пат за напредок, но се подготвени за секое сценарио, се додава во соопштението.
Извор: МИА