Citroën е подготвен за настап на WTCC наредната година, а таму ќе биде C-Elysée, автомобил кој е поставен на 18-инчни тркала, на кои ќе има Yokohama гуми.
За погонот е задолжен 1,6-литарскиот четвороцилиндричен турбо мотор, кој развива 380 КС и 400 Nm обртен момент. Дистрибуцијата на силата на предната осовина се врши преку 6 степен менувач, а тука е и механичката блокада на диференцијалот.
Деталните перформанси на автомобилот се уште не се објавени, но со повеќекратниот шампион Себастијан Лоеб зад воланот, 380 коњски сили би требало да бидат повеќе од доволно за одлични резултати.
Официјалната премиера на автомобилот се очекува на Саемот на автомобили во Франкфурт.