Основното јавно обвинителство – Гостивар информира дека поведе постапка и поднесе Обвинителен предлог против 47-годишен гостиварец кој се товари за кривично дело – Загрозување на сигурноста од член 144 став 3 во врска со став 1 од Кривичниот законик.
При вршење на акциска контрола во угостителски објект во близина на автопатот Гостивар-Тетово на 2 октомври оваа година, обвинетиот повеќе пати се заканил на службено лице – инспектор во ОВР Гостивар кој вршел службени дејствија.