Франција од сабота ја спушта рампата за патувања кон и од Велика Британија, освен во случај на „посебни причини“

Од:

На британските туристи ќе им биде забранет влез во Франција поради загриженоста за зголемувањето на случаите поврзани со сојот Омикрон во Велика Британија, јави „Скај њуз“. Франција од сабота наутро ќе ја спушти рампата за патувања кон и од Велика Британија, освен во случај на „посебни причини“.

Париз изјави дека „посебните причини“ не ги вклучуваат туристичките и деловните патувања. Француските граѓани и членовите на нивните семејства се изземени од новите правила. Ќе има „обврска за сите патници од Велика Британија да се регистрираат, пред нивното патување, на дигитална платформа што ќе им овозможи да ја внесат адресата на нивниот престој во Франција“.

Од луѓето кои планирале да ја посетат Британија од Франција се бара тоа да го одложат. Владиниот портпарол Габриел Атал изјави за телевизијата BFM дека мерките ќе вклучуваат намалување на валидноста на PCR тестовите пред поаѓање на 24 часа од 48 за патниците кои пристигнуваат од Британија. Тие ќе мора повторно да тестираат при пристигнувањето и да се изолираат „на место што ќе го изберат“ најмалку 48 часа во очекување на резултатот, додаде Атал.

Би можело да ве интересира

Марин Ле Пен и 26 лица обвинети за финансиска измама која траела со години

Горан Наумовски

ВИДЕО: Голема поплава во Кан, водата носеше автомобили

Париз блокиран: Илјадници луѓе протестираат

Французите ја намалуваат цената на струјата за 10 отсто

Предраг Петровиќ

Протести низ Франција против именувањето на Мишел Барние за премиер

Макрон го назначи Барние за шеф на владата