Францускиот претседател Емануел Макрон го назначи Мишел Барние, поранешен еврокомесар и поранешен главен преговарач за Брегзит, за мандат за формирање на новата влада.
BFMTV објави дека Франција доби премиер по неколку недели неизвесност.
Барние има сериозни шанси да стане нов премиер, по речиси два месеци од вонредните избори во таа земја.
BFMTV се повика на свои извори од централнодесничарската Републиканска партија, која учествува во преговорите за мандат со претседателот Емануел Макрон.
Претходните денови се споменуваа имињата на потенцијалните кандидати, пред се поранешниот социјалистички премиер Бернар Казнев и Ксавиер Бертранд, поранешен член на Републиканската партија и претседател на најсеверниот регион на Франција.
Од кругови блиски до Лоран Вокие, шефот на републиканската парламентарна група во француското Национално собрание, на BFMTV му беше кажано дека Барние е „личност што Вокие многу ја цени“.
Оние околу Барние не сакаа да ги коментираат овие информации за BFMTV, но таа дозна дека поранешниот еврокомесар бил примен од блискиот соработник на Макрон, Алексис Колер, во јули оваа година за да му ја претстави можноста на Барние да стане премиер.
Се наведува дека во последните неколку дена се водат нови разговори со Елисејската палата.