Швајцарската компанија за производство на часовници „Омега“ ја раскина соработката со Тајсон Геј, кој беше позитивен на допинг и ќе го пропушти Светското првенство во Москава, наредниот месец.
Претходно и Адидас го напушти Геј и тоа веднаш откако беше обелоденето дека користел стимулативни средства.
За јавноста се уште не е познато која е супстанцата на која се покажа позитивен атлетичарот Тајсон Геј, а во иста позиција е уште еден голем спринтер Асафа Пауел.
Засега, нема никакви сомневања дека и светскиот рекордер Усаин Болт користел недозволени стимуланси.