САД вратиле голем број пратки со месо во Австралија поради фекалии

Од:

Американските функционери за безбедност на храна вратиле голем број пратки со месо во Австралија од 2019 година поради контаминација со фекалии, што ги затегна трговските односи меѓу двете земји, јавиа западни медиуми кои имале увид во документите.

Организациите за безбедност на храна го припишуваат овој проблем на австралискиот систем, кој им овозможува на компаниите да го проверуваат сопственото месо наместо државните инспектори. Слични напори за приватизација на инспекцијата има и во други големи земји-производители на месо, вклучително и во САД.

Во 2020 година, американската служба за безбедност и контрола на храната (FSIS) отфрли десет пратки месо од Австралија, која е втор најголем американски снабдувач на оваа храна, поради контаминација со фекалии или други дигестивни материи. Во 2019 година, една, и една година претходно, беа вратени четири пратки австралиско месо, според внатрешните податоци на Министерството за земјоделство на САД (USDA). Канада и Нов Зеланд, два други големи американски добавувачи на месо, имаа по една одбиена пратка поради тој тип на контаминација во 2020 година, покажуваат внатрешните податоци, а Мексико, уште еден голем снабдувач на месо на американскиот пазар, немаше вратени пратки.

Од истите причини, уште три пратки месо се вратени во Австралија во првите два месеци од оваа година, една е вратена во Нов Зеланд, а ниту една во Канада и Мексико, покажуваат податоците.

Меѓу австралиските компании чии пратки со месо во САД беа одбиени се: JBS Australia, Thomas Foods, Fletcher International Exports, Australian Lamb и V&V Walsh.

Би можело да ве интересира

САД: Судири на пропалестински протести, приведени околу 300 студенти

Земјотрес со јачина од 4,1 степени според Рихтер го погоди Лос Анџелес

(ВИДЕО) Полицијата во САД усмрти ученик пред училиште откако доби информација дека има пиштол

Хамас: САД вршат притисок да го прифатиме договорот со Израел

А1он

Вучиќ за негодувањето на САД што нови министри се на американската црна листа: Тоа е изборот на граѓаните на Србија

Предраг Петровиќ

ВИДЕО: Студентите на пропалестинските протести во Тексас се судрија со полицијата

Катерина Ѓуровски