Македонската одбојкарска репрезентација за два дена го започнува настапот на Европското првенство, второ по ред. Прв ривал на „црвено-жолтите“ е домаќинот на групата во Тампере, репрезентацијата на Финска.
– Групата речиси цела се повтори освен две репрезентации коишто се променија, но можам да се согласам со забелешката дека сме помирни, ја нема таа еуфорична трема како тогаш. Би било добро сега да започнеме со победа, па да видиме како ќе се развиваат настаните натаму. Сега размислуваме само за Финска затоа што така е најпаметно без оглед дали играме квалификации, Европска лига, или, пак, Европско првенство. Размислуваме натпревар по натпревар бидејќи веќе сме искусна екипа и нема зошто да се залетуваме. Напротив, ќе одиме полека, изјави средниот блокер Ристо Николов.
Покрај македонската и финската селекција, во групта се и репрезентациите на Шпанија, Русија, Холандија и Турција.