По долго и тешко боледување, денеска почина поранешниот градоначалник на Општина Струга, Раде Кутаноски, извести СДСМ.
„Ке биде запаметен како добар визионер кој својата моќ и знаење ги вложи да ја направи Струга модерно место за живеење. Општинската организација на СДСМ изразува сочувство до најблиското семејство“, велат од партијата.
Сочувство упати и сегашниот градоначалник на Струга, Рамис Мерко.
„Со длабока жалост ја примив веста за смртта на поранешниот градоначалник на Општина Струга, Раде Кутаноски. Кутаноски ќе биде запаметен како градоначалник кој ги постави темелите на модерна Струга“, пишува на фејсбук страната на Општината.
