Русија е отворена за можна размена на затвореници со САД, изјави рускиот претседател Владимир Путин во пресрет на неговата средба со неговиот американски колега Џо Бајден.
– Да, секако, изјави Путин во интервју за Ен-би-си њуз, како одговор на прашањето дали би размислил за размена на затвореници – тема за која е можно да стане збор на нивната средба в среда во Женева.
Путин, исто така, ги отфрли како „лажни“ обвинувањата дека Русија стои зад кибер нападите против САД.
– Каде е доказот?, праша тој. – Ние сме обвинети за секакви работи, мешање во избори, кибер напади и така натаму, и ниту еднаш, ниту еднаш не се потрудиле да презентираат докази, само неосновани обвинувања.
Бајден вчера изјави дека понудата на Путин е „чекор во добра насока“, но Белата куќа подоцна појасни дека тоа не значи оти американскиот претседател ја прифаќа и се залага за предложената размена на затвореници.