Германски обвинители наложија да бидат отпуштени од работа 19 полицајци, членови на специјалните сили, а еден да се суспендира, поради сомнение дека го глорифицирале нацизмот, што е кривично дело во земјата. Портпаролката на Обвинителството информира дека на интернет тие пишувале за поранешната нацистичка организација и разменувале нацистички симболи.
Најголем дел од несоодветната содржина објавиле во периодот 2016-2017 година, а најскорешните објави се во 2019 година, пласирани на крајно десничарски чатови.
Германската полиција и безбедносните агенции се под критики дека не прават доволно за искоренување на потенцијалните насилни националисти во своите редови.
Германската разузнавачка агенција во минатогодинешниот извештај информираше дека помалку од еден процент од припадниците на германската полиција, безбедносните агенции и воениот персонал заговараат крајно десничарски погледи на светот.