Израелски борбени авиони вчера ја урнаа кулата „Ал Шурук“ во Газа, откако повеќепати ги предупредија жителите да излезат.
BREAKING: Israel bombed and destroyed the Al-Shorouk tower in #Gaza. – VIDEO pic.twitter.com/5xiaw6N6iZ
— Insider Paper (@TheInsiderPaper) May 12, 2021
Според странските медиуми, станува збор за најголемата висококатница во Газа, а израелските медиуми потсетуваат дека тоа е третата висока зграда што Израел ја сруши од понеделникот вечерта, кога дојде до судир со Хамас, кој владее со појасот Газа.
Closer angle of IDF strike on Al-Shorouk tower, a high-rise building in Gaza. pic.twitter.com/QySj2NHvPs
— Insider Paper (@TheInsiderPaper) May 12, 2021
Израел тврди дека канцелариите на командантите на палестинските екстремистички организации се наоѓаат во такви згради.
Медиумите во Газа наведоа дека на чуварот на зградата му било кажано да ги евакуира станарите и дека има и други предупредувања за претстојниот напад.
Израел тактиката ја нарекува „тропање на покрив“ и користи неексплозивни проектили што ги фрла кон зградата за да ги предупреди станарите да ја напуштат пред да се фрлат бомби за да се уништи.
Уривањето на таа зграда претставува нова ескалација на насилството, имајќи предвид дека вчера вечер по уривањето на кулата започна палестинскиот ракетен напад врз централен Израел, вклучително и областа на Тел Авив.
Десетици луѓе ги загубија своите животи во судирите што траат неколку дена. Меѓу настраданите има и жени и деца.
