Млад жител на тетовското село Слатино е уапсен откако се претставувал како полициски инспектор, а некој за тоа им дојавил на вистинските полицајци, информираат од МВР.
„СВР Тетово поднесе кривична пријава против Г.Х.(28) од с.Слатино, тетовско, поради постоење основи на сомнение за сторено кривично дело „лажно претставување“, велат од полицијата.
„На 26.02.2021 на регионалниот пат Тетово-Јажинце, пријавениот се претставувал како полициски инспектор, а по пријава на граѓани тој бил лишен од слобода и приведен во полициска станица,“ се вели во соопштението.