Организацијата за заштита на човековите права Хјуман рајтс воч (ХРВ) го обвини Израел за водење политика на апартхејд и прогон на Палестинците – и на сопственото арапско малцинство – што е еквивалентно на злосторства против човештвото.
Организацијата за човекови права со седиште во Њујорк објави извештај на 213 страници во кој се вели дека не сака да го изедначи Израел со јужноафриканската ера на апартхејдот, но оценува „дали одредени активности и политики претставуваат апартхејд, како што е дефинирано со меѓународното право“.
Израелскиот министер за надворешни работи ги отфрли обвинувањата како „апсурдни и лажни“ и го обвини ХРВ за „анти-израелска пропаганда“, велејќи дека групата „промовирала бојкоти против Израел со години“.
Палестинскиот претседател Махмуд Абас го поздрави извештајот.
Само неколку недели претходно, Меѓународниот кривичен суд објави дека ќе ги испита воените злосторства на Западниот брег и Појасот Газа, окупирани од Израел, додека израелската војска и палестинските групи како Хамас беа наведени како можни криминалци.
Во извештајот, ХРВ ги посочи „израелските ограничувања на палестинското движење и киднапирањето на палестинската земја за да се населат Евреите на територијата окупирана во 1967 година во Блискоисточната војна, како пример за политика што претставува злосторства за апартхејд и прогон“.
– Низ Израел и палестинските територии, израелските власти продолжија да ја спроведуваат намерата да ја задржат доминацијата над Палестинците со контролирање на земјата и демографијата во корист на Израелците, се вели во извештајот.