19-годишна девојка вчера се степала со 20-годишно момче во скопската населба Аеродром, а потоа и нападнала полицаец кој интервенирал во тепачката, соопшти полицијата. Двајцата учесници во инцидентот немале лични документи, додаваат од МВР.
„На 18.04.2021 околу 15.05 часот во Полициската станица Аеродром биле приведени А.М.(20) и В.А.(19), двајцата од Скопје, затоа што го нарушиле јавниот ред и мир со физичка пресметка на бул.„Јане Сандански“ и притоа немале документи за идентификација. Потоа В.А. физички нападнала полициски службеник кој вршел службени дејства,“ велат од полицијата.
По целосно документирање на случајот, против нив ќе биде поднесена соодветна пријава.