Војвотката од Кембриџ Кејт Мидлтон, сопругата на британскиот принц Вилијм минатата недела официјално го крсти својот прв патнички брод. Бродот има 1.780 луксузни кабини, бања, казино, ТВ студио, 11 ресторани и стаклено дно.
„Кралската Принцеза“ може да прими 3.600 патници и е опремен со казино, спа центар, 11 различни ресторани, галерија со стаклен под и 1.780 луксузни кабини.
Кралскиот крузер во Саутхемптон пристигна минатата недела од Монтефалконе, Италија, каде е направен.
Принцезата името го доби по својата „баба“, која првпат заплови во 1984 година и сега веќе не е во служба.
– Именувањето на бродот по нејзината „баба“ е еден од најстарите морнарски обичаи, изјави Пол Лудлоу, директорот на „Кралската Принцеза“ во Велика Британија.
По именувањето бродот тргна на своето прво патување кон Шпанија, преку Лисабон, Гибралтар и Малага, каде ќе биде на 12 дневно патување низ Медитеранот.
Цената за патување ќе се движи од 1.500 фунти за 12 дена до 2.600 фунти. Аранжманот опфаќа луксузна соба со телевизор со 37 инчен екран, египетска постелнина од 100 процентна волна и просторни бањи.
На бродот се наоѓа и ВИП базен и најголемиот шопинг центар некогаш изграден на брод.
