Веста дека од утре ќе има Геј парада во Скопје, извори од ЛГБТ Јунајтед за А1он велат дека не е точна. Оваа дезинформација која од утрово се шири на веб страните всушност е стара 5 месеци и истата е објавена на 26.02.2013.
Од Коалицијата „Сексуални и здравствени права на маргинализираните заедници“ најавуваат дека во периодот од 22 до 27 јуни ќе организираат „Недела на гордоста“, којашто е во контекст на глобалното одбележување на Stonewall riots и на 27 јуни како интернационален ден на гордоста.
Славчо Димитров, извршен директор на Коалицијата, за А1он вели дека во рамките на неделата преку дискусии, филмски проекции и дебати ќе се отворат важни теми кои ја засегаат ЛГБТИК популацијата.
„Главен фокус на ова се прашањата со дискриминацијата, говорот на омраза и стигмата кон лицата кои живеат со ХИВ“, објасни Димитров, додавајќи дека е небулозно тоа што новинарите за „наводната“ Геј парада во Скопје превземе вест која е стара 5 месеци.
Уранија Провска од Хелсиншки комитет за А1он вели дека тие како и Коалицијата „Сексуални и здравствени права на маргинализираните заедници“ работат за правата на ЛГБТ заедницата како и дека ќе ја поддржат „Неделата на гордоста“.
Темјана Поповска