Синоличка Трпкова, Ирена Ристиќ, Борјан Јовановски, Нора Шаќири, Огнен Јанески, Петрит Сарачини, Богдан Илиевски (Бетмен велит), Дарко Лешоски, Маја Вукичевиќ, Владимир Блажев (ди-џеј Панчо Шорти) Весна Петрушевска и Рената Кралевска застанаа во поддршка на ЛГБТ заедницата и порачаа НЕ на хомофобијата и трансфобијата.
Јавната и медиумската кампања „Кажи НЕ на хомофобијата и трансфобијата“ е проектна активност на Националната мрежа за борба против хомофобијата и трансфобијата, која има за цел да го поттикне граѓанскиот ЛГБТИ активизам и учество во борбата против хомофобијата и трансфобијата, да ја зголеми солидарноста и поддршката на ЛГБТИ лицата во борбата за нивните права, и да ги мобилизира медиумите, граѓанските здруженија и граѓанското општество во пошироката кампања за човекови права.
На 3 мај ќе бидат поставени билбордите во главниот град Скопје и ќе се лансираат и останатите содржини од оваа кампања кои ќе бидат достапни на пошироката публика за споделување на социјалните мрежи и нејзино вклучување во ширењето на пораката.
Освен билбодри поставен во главниот град Скопје, кампањата ќе се спроведува и на социјалните мрежи, придружена со јавни акции и дебати.
