Непознати крадци вчеравечер обиле контејнери натоварени на воз кој стоел на граничниот премин Табановце, при што однеле кутии со апарати за домаќинство, соопшти полицијата.
„На 10.03.2021 во 23.34 часот било пријавено дека на Граничен премин Табановце-железнички премин била извршена тешка кражба од контејнери на товарен воз, при што биле одземени кутии со апарати за домаќинство,“ се вели во кусото соопштение од полицијата.
Од МВР додаваат дека се преземаат мерки за расчистување на случајот.