Кафулињата на кеј „13 Ноември“ ќе ги унифицираат летните тераси како дел од проектот на Град Скопје за реконструкција на кејот на Вардар, а автомобилите ќе смеат да се движат само во два точно утврдени термини.
Тој ќе биде одново поплочен, ќе бидат поставени нови клупи и препреки за автомобилите да не се паркираат како досега.
Реконструкцијата ќе чини 88,6 милиони денари кои се обезбени од буџетот на Град Скопје.
„Отстапуваме повеќе место за велосипедистите и пешаците“, вели градоначалникот Шилегов, најавувајќи препреки за автомобилите да не можат да се паркираат.
Терасите кои ќе ги користат угостителските објекти ќе бидат унифицирани и ќе дојде до израз дрворедот на кејот, кој сега е сокриен од летните тераси на кафулињата.
„Се радуваме на секоја можност градот да дише, да има флуктуација“, вели премиерот Заев кој заедно со градоначалникот Шилегов ја најави реконструкцијата.