Поради силните снежни врнежи и наносите на коловозите, вечерва од 20:35 часот е воведена забрана за движење на товарни моторни возила и на превојот Плетвар, на регионалниот пат Велес – Прилеп и обратно.
Како што соопшти АМСМ, во 17:50 часот беше воведена забрана за товарни возила и на патниот правец крак Маврово – Дебар и од 18:50 часот на патниот правец Гостивар- Кичево преку планинскиот премин Стража.
АМСМ соопшти дека, според известување од ДЦС МВР, на секои 20 минути ќе се пропушта по едно товарно возило на патните правци на кои е воведена забрана за нивно движење поради снежните врнежи.