Во Штип денес беа поставени темелите на новата црква „Св.Константин и Елена“ во населбата „Балканска“. НеговотоВисоко Преосвештенство, митрополитот брегалнички г. Иларион во присуство на неколку стотици граѓани гопостави камен- темелникот на новата црква.
Ктитор на црквата „Св. Константин и Елена“ е штипскиот бизнисмен, Ванчо Богдов, а црквата ќе биде посветена на неговите родители Елена и Анѓел. Дел од средствата ќе бидат обезбедени преку донации од жителите на оваа населба и од Здружението „Македонски Егеј“ од Штип.
Темелите на црквата се поставени во спомен- паркот во населбата Балканска, каде што пред една година беше поставена и спомен- плочата во чест на загинатите Македонци од Егејска Македонија.
На свеченоста присуствуваа и повеќе политичари од Штип, а свое обраќање пред посетителите имаше и градоначалникот на општина Штип, Илчо Захариев.
Во моментов во Штип се градат уште шест цркви во повеќе приградски населби.
