Тимот на Милан синоќа загуби од Лил со 3:0 на домашен терен во дуел од 3. коло од групната фаза во Лигата на Европа.
Овој пораз е прв за „росонерите“ на 25 натпревари. На претходните 24 средби, фудбалерите предводени од тренерот Стефано Пиоли имаа биланс од 18 победи и шест нерешени натпревари.
Серијата на тимот на Милан започна од рестартирањето на минатата сезона, која претходно беше прекината поради коронавирусот.
Последниот пораз миланезите го имаа во март, исто така на домашен терен од, од Џенова со 2:1 во меч од италијанскиот шампионат.
На следниот натпревар Милан ќе игра со Верона во Серија А.